1692/2025-2026

Dated : Mamit the 15th August of 2025 : Vawiin khan India Independence Day vawi-79 na chu GSA Playground Mamit-ah hman a ni a, Pu C. Lalsawivunga, Hon'ble Minister, AH & Vety, Horticulture, Art & Culture leh District Council & Minority Affairs chu Khual lian niin hnam puanzar a pawtpharh a, parade contingents 14-te hnam puanzar chibai buk a chhang let.

Khual Lian chuan India Independence Day lawm tur a kalkhawm zawng zawngte duhsakna chibai a buk a, mipuite duhthusam leh beisei, mitin intluktlanna, zalenna, inunauna leh inpumkhatna awm tirtu, India ramin zalenna a neih theihna tura kan ram hruaitu hmasate kan hre reng a, zahna chibai vawiin hian kan buk thar leh a ni a ti. Zalenna kan neihna kum 79-na ah hian India ram pawhin khawvel puma economy tehna-ah pawh palina dinhmun hial kan hauh ta a, Vision 2047 ah chuan India ram chu Developed country-a hlan kai tumin hma lak mek a ni a ti bawk.

India ramin zalenna hnuaia kawng hrang hranga hmasawnna hmel a hmuh rualin, Mamit District-ah pawh hmasawnna hmel thar kan hmu mek zel a, chung hmasawnna hna thawh leh hmathlir hrang hrangte a tarlang a ni.

Khua leh tui tha kan nih zel theih nan leh chhuan lo la kal zel turte tan, kan ram, kan district, kan khua chenna tlaka siam zel tura tangrual tur leh sualna chi hrang hrang lakah kan ram leh hnam venghimtu ni zel turin kalkhawmte a sawm bawk.

Vawiin Parade-ah hian Armed contingents - 1, Un-armed contingents - 3, School contingents - 10 bakah Samagra Pipe Band te'n kalrem rimawi an tum a. Parade Commander hi S. Lalhmingmawia, Inspector 4th IR Bn niin, 2nd Commander hi K.Lalhermawia, Inspector, 4th IR te an ni. School contingents-ah hian Govt HSS (Girl) pakhatna niin pahnihna hi St. Francis of Assisi School an ni a, pathumna hi Govt HSS (Boys) te an ni. Un-Armed contingents-ah pakhatna 1 Mizo Bn.NCC, Govt Mamit College niin pahnihna, 1 Mizo Bn.NCC, JNV School an ni a, pathumna hi 1 Mizo Bn. NCC, St Francis of Assisi School te an ni bawk.

Vawiin Independence Day-ah hian Mamit District chhung atanga Police hnathawk tha, President Police Medal for Meritorious Service, vawiin a Chief Minister hnen atanga chawimawina dawngtu, Inspector Zoramsanga, hnathawh that chhiarchhuahna neih niin Constable Lalmuanpuia, Excise & Narcotics Department atanga Governor Gold Medal chawimawina chu Khual lian hian hlanin a hnathawh that tarlanna neih a ni bawk.

Khuallian hian Independence Day pual hian Mamit District Hospital, District Jail, Home hrang hrang Swadhar Greh, Buannel, Joshua leh Observation  te a tlawh a, VIP at home Chawhnu dar 1:00 ah sawmbikte pualin DC Bungalow-ah buatsaih a ni bawk.