Vawiin khan Mamit DC Conference Hall-ah India Water Week, 2015 hmandan tur relin District Level Organising Committee (DLOC) chu an Chairman Pu Vanlalngaihsaka, Mamit District Bawrhsap hovin an thukhawm.
He Week hi sawrkar laipuia Ministry of Water Resourse in state te leh District theuh ten hmang se ti a a lo rel bawhzuina a ni a, Hemi pual hian nikhat awh Workshop ‘Hamara Jal-Hamara Jeevan’ huaihawt theuh turin District te tih an ni bawk. Hei bakah hian ‘District Profile’ tuihna awmna te tarlanna siam tura Ministry in a tih chu a bawhzui turin DLOC chuan Sub-committee EE, PHE Mamit Pu Lalropuia Hmar kaihhruai turin meeting chuan a din nghal a, Tuirum, Kawrthah leh Khawrihnim-ah Water resources chungchang inzirtirna neih tura rel a ni bawk.
India Water Week leh Drinking Water & Sanitation Awarness Week bawhzuina atan ni 26th March 2015 zing dar 7:00ah rally huaihawt a ni dawn a, hei bakah hian District chhunga Local Channel a pekchhuah turin tuihna chungchang inzirtirna pekchhuah tura ruahman a ni bawk.
