Vawiin khan I&PR Conference Hall, Mamit-ah District Level Centre for Women (DLCW) leh One Stop Centre (OSC), Mamit tangkawpin an buatsaih Swachhta Pakhwada with Special reference to International Women's Day, 2020 hman a ni a. He hun hi Pu Beitlotha Nohro, SDC Mamit chuan a kaihhruai.

He hunah hian Upliftment of Status of Women tih thupui hmangin Pu HT Lalmawizuala, MJS, District Court Mamit chuan kalkhawmte zirtirna a pe a. Orientation on Various Schemes & Services for Women tih thupui hmangin Pi Lalrinmawii, District Coordinator, DLSC Mamit chuan kalkhawmte hriat tur pawimawh hrilhhriatna a nei a. Cleanliness & Management of Solid Waste and Conduction of Swachhta Pakhwada tih thupui hmangin Pi Lalduhsangi, District Consultant, Swachh Bharat Mission, PHED Mamit chuan kalkhawm mipuite zirtirna a pek bakah faina thutiam a neihpui nghal a. Kalkhawmte tan Quiz buatsaih a ni bawk.

Kumin International Women's Day thupui hi "I am Generation Equality : Realizing Women's Rights" tih ni a. International Women's Day, 2020 pual hian tukin khan Charkawn Traffic Point atanga tanin Marathon buatsaih a ni a. Pi Laltharzeli, National Awardee chuan he Marathon hi vailiamin Marathon-ah hian hmeichhe 33 an tlan a ni.

Vawiin International Women's Day Mamit-a hmannaah hian Rev. Lalbiakhlira, Counselor, FG & CC chuan hunserh hmangin Pi Rebec Lalfakzuali, Counselor, OSC, Mamit chuan kalkhawmte hnena lawmthusawina a nei a. Mamit khawpui chhunga MHIP Branch hrang hrangte bakah Department hrang hrang aiawh an tel a ni.