Vawiin khan Chhimveng YMA Hall, Mamit-ah District Programme Office, Mamit District buatsaihin Kala Utsav 2017 hman a ni a, Pu H.Lianzela, Addl.DC, tuna DC charge la mektu chuan khuallian niin a hmanpui. 

Khuallian chuan kan zirna sikulah Arts Promote a nih zel theih nana hnam ziarang chawinunna tura RMSA hnuaia Kala Utsav buatsaih a ni chu lawmawm a tih thu sawiin kan hnam ziarangin mual a liam mek tawhna khaichhuaka tungding leh tu tur chu Kala Utsav hi a ni a ti. Mi thenkhat tana harsa em em Performing Arts avangin Artist-te an hlu a, haichhuah an ni tur chu lawmawm a tih thu sawiin mihring nun tilawma lungngaihlai pawha min hnemtu Arts tel lovin hringnun a kim thei lova, chuvangin inthlahrung lova an thiam leh theihnate pholang ngam tur leh Mamit District chhunga talent nei tha inphumrute pen chhuak turin kalkhawmte a sawm a ni. 

He hunah hian Mamit District chhunga High School hrang hrangte pualin Mizo hnam ziarang lang thei inelna hrang hrang buatsaih niin Mizo Hnam Lam, Rimawi (Music), Theater, Visual Arts (Sculpture) hmangte a inelin heng School te hi lawmman latute an ni. 

Mizo Hnam Lam :-

1. Govt Mamit High School

2. Mamit High School II

3. Govt Tuidam High School 

Music             1. Govt Mamit High School 

Theater          1. Govt Mamit High School 

Visual Arts   1. Govt Mamit High School 

Heng bakah hian School tel zawng zawngte Participation Prize pek vek an ni bawk. 

He Programme hi Pi Lalnunthari, DPC, RMSA in kaihruaiin Pu Lalnunthara, Dy.DPC, RMSA, Mamit-in kalkhawmte hnena lawmthu sawina a nei bawk. 

He hunah hian Mamit District chhunga High School zirlai leh zirtirtute an kal tha hle a ni.