Kum 2010 ram kang ven hapta (10-17 February, 2010) chu vawiin khan Siamliana Hall, Mamit-ah Pu A.Biaklawma, Addl. D.C. Mamit chuan a hawng.

 

 

Hawnna inkhawm Pu Vanlalchuailova, DFO, Mamit kaihhruai ah hian Khuallian Additional DC chuan thu sawiin kangmei ven hi mitinte mawhphurhna a ni tih hria in tlangram lo neia eizawng lo vattu zawng zawng te pawhin meilam sial uluk takin kan ti tur a ni, a ti a. Kan lo vah bak ram tihkan hi sual lian tak a ni tiin, sawrkar pawisawina a ni tih kan hriat a, chutianga ram tikang tute chu thuneitute hnenah thlen vat turin kalkhawmte a chah a. Khuallian chuan dan dan bawhchhia a, ram tikangtute thuneitute hnena hriattir hi in hekna ni lovin, thil tha tihna kawnga sawrkar kan puihna a ni tih kan hriat a tul a, thil tisual tute chu dan anga hrem an ni zel ang a ti bawk.  Khuallian chuan Mamit District bawrhsapin Mamit District tan bika thupek a chhuah ni 20-25 February, 2010 chhunga lo hal vek tur a tih pawh zawm turin District chhung khaw hrang hrangte a ngen a, a bik takin Lengpui Airport bul hnai khuate chuan tlai dar 3:00 hnu lamah hal vek tura tih an nih thu a tarlang bawk a ni.

He hapta hawnna ah hian Pu Dingluia, SP Mamit, Pu Rualzakhuma, DLAO leh Pu Zatluanga, President, Sub-Hqrs. YMA ten thu an sawi bawk a ni.

He hapta hawnna ah hian sawrkar hnathawkte, khawtlang hruaitute leh school naupangte an tel tha hle a ni.