Vawiin khan D.C Conference Hall Mamit-ah Krismas 2014 leh kumthar 2015 mipui mimir tena boruak muanawm taka hnuaia hman a nih theih dan tur ngaihtuahtuahin Mamit District Bawrhsap Pu K. Lalthawmmawia hovin an thukhawm.

Meeting-ah hian District Bawrhsap chuan Kristianten a kan ni pawimawh hunpui lo thleng tur hlim taka hmang tuirin District chhung mipuite duhsakna a hlan a, boruak muanawm tak hnuaia zalen taka hun hman a nih theih dan tur hrang hrang sawiho a ni a; dan leh thupek kengkawhtu, tlawmngai Pawl hrang hrang te leh khawtlang hruaitute thawhhona tha tak neih a tul thu sawi lan a ni.

Heng bak hian Mamit DC in naupang Silai Lem- a mu nei chi khapna thupek chhuah se tih leh krismas leh kumthar hun chhunga YMA duty te hman atan Mamit khawpui chhung YMA Branch 6 hnenah Rs. 4000/- theuh pek ni se an ti a. Police leh Excise Department hotu ten an hmalak tum dan leh tlawmngai pawlte nena thawhho dan tur ruahmanna an siam dan tarlangin hunpui lo thleng tur a tan hian ngawrh leh zuala duty tum a ni a, venhimna lama hnathawktu Police lam pawhin Mamit khawpui chhungah duty post pakua siamin mitintena hlim tlang taka hunpui kan hman theihna turin ruahmanna siam a ni.

He hun ah hian Police hotute, Excise, MJA aiawh, khawpui chhung V/C leh YMA aiawhte an tel a ni.