2928/2025-2026

Dated:Mamit the 15th of January, 2026 : Vawiin khan ramchhung hmundangte rualin Mamit District Disaster Management Authority huaihawtin, lirnghing thlen thulha chetlak dan tur nunchan zirna neih a ni a,lirnghing avanga chhiatna thlengin DC Junction-ah Bus Accident a awm tir leh Circuit House-a kangmei chhuak avanga harsatna bakah Gov't Mamit College Residential Hostel-a chhiatna thleng a, hliamte leh nunna chante chhanchhuah hna buaipuina hrang hrang tihchhinna neih a ni.

Vawiin chhiatna thleng nunchan zirnaah chhiatna thlenna hmun atang hian rangtakin Mamit District Hospital hriattir nghal niin, Ambulance leh thawktute an thleng phei nghal a, a hmunah hian buaipui ngai, First aid peka hliam tuarte buaipui niin, mitthi leh hliamna zualte chu District Hospital-ah phurh phei an ni. Thawktute'n rangtakin buaipuina hna an thawk nghal a ni.

Chhiatna thlen thulha chetlak dan tur zirnaah hian chhanchhuahna hna hi SDRF, 4th IR Bn. Mamit College NCC leh St. Francis Of Assisi School NCC bakah Quick Response Team te chuan a hmunah hian chhanchhuahna hna hi an thawk a, Staging Area hi hmun thumah siam niin, Relief Camp siam a ni bawk a, line department tinin mamawh leh a tulte an lo buaipui a ni. Chief Observer hi Pu V.L Lura Hauzel, Commander 4th IR Bn. a ni a.Pu Lalchhuanawma Chhangte, Addl SP chu Observer a ni bawk. Incident Commander hna hi Pu Lalnunfela Chawngthu, SDO (S) leh Pi Carolyn L.B. Khiangte, Addl.DC te'n an thawk bawk.

Vawiin Lirnghing avanga chhiatna thlen thulha chetlak dan tur zirnaah Pu K.Laltlawmlova, Chairman, DDMA chuan Incident Command Post atangin a vil a ni.