Disaster Management & Rehabilitation Department leh District Disaster Management Authority, Mamit tangkawp chuan vawiin khan Mamit-ah Mock Drill an nei.

Mock Drill hi Govt. Mamit High School-ah leh SSA Office building-ah neih a ni a, sorkar hnathawk, zirlai leh khawtlang hruaitute’n an exercise hi an nei a ni. Mock Drill-ah hian lirnghingin chhiatrupna a thlen huna tihdan tur te zir a ni.

Vawiin Mock Drill-ah hian Pu P.C. Lallawmsanga, IPS Principal Secy. DM&R chuan a hmunah telpuiin, Japan ram chu lirnghingin kumtin deuh thaw a sawi chung pawh a chhiatna nasa tak a thlen fo lohna chhan chu Mock Drill an neih that vang a ni tih sawiin, chhiatna hi a thleng kher dawn tihna nilovin in ring renga kan lo awm a chhiatrupna a thlen pawh a chiai lova hma kan lak theih nan a tangkai a ni a ti. Pi Lalbiaksangi, DC Mamit pawn a hmunah a telpui bawk a. Mock Drill neih zawh hian enletna hun neih nghal niin, Incident Commander leh Observer a ruat te atangin hmalak dan leh hmasawn ngaihna lai te report ngaihthlak a ni.