Vawiin khan Programme on Deworming in Pigs under National Livestocks Mission  ( NLM) Mamit District chu District AH & Vety Office, Mamit-ah hman a ni a, Pu H. Lianzela Addl DC Mamit chuan khuallian niin a hmanpui. 

He hun hmanpuitu khuallian Pu H. Lianzela Addl DC chuan mihring kan lo pian chhuaha kan mamawh hmasak ber chu eitur a ni a,mizoten sa kan duh hle a, a bikin a kawchhung kan duh duhin kan ei nasa hle thin a ni a ti. Chutihrual erawh chuan sa hrisel a nih leh nih loh kan ngaipawimawh tawk lo fo thin a, kan ei tam leh kan duh ber te hi rulhlut awm tamna hi a lo ni thin a vangin a hrisel em tih kan chian a tul hle a ni a ti. Sa hrisel leh thianghlim kan ei theihnan Vety Department te pawhin mawhphurhna thui tak an nei a ni a ti bawk. 

Addl DC chuan Mamit District chuan faina leh thianghlima kawngah hma kan sawn zel a, kan ranvulh kan enkawl dan ah leh a in kan sak danah te thianghlim leh felfai zawka kan vawn a ngai a ni tiin hei hi hmasawnna atan pawh a pawimawh tak a ni a ti. 

He hun ah hian Dr. P.C  Lalrokima, Chief Veterinary Officer, chuan mizote’n in tin deuh thaw-a kan ran vulh tam ber chu vawk hi a ni a, Vawkte hian rulhut an paiin thihpui nghal em em lo mahse natna dang an do theihna a tla hniam a, an taksa in nasa tak a chhiatpuiin, an than a ti thu thin a ni a ti,  kan ran vulhte rulhlut hlo kan pek that a pawimawh dan chungchangah zirtirna a nei nghal a  ni. 

He hunah hian Anthelmintics (rulhlut hlo)  Addl. DC, DIPRO leh Chief Veterinary Officer ten  vawk an eitir a ni. 

Vawiin rulhlut hlo pek ni hi Dr Lalmakzuala, District AH & Vety Officer chuan a kaihruai a, Dr Lalramdintluanga’n V.O chuan lawmthu sawina a nei bawk a ni.

He hunah hian Mamit khawpui chhunga vawk vulhtute an kal khawm a kalkhawm zawng zawngte hnenah vawk rulhlut hlo pek vek an ni.