Ni 18.11.2014 khan Soil & Water Conservation Department hnuaia Mamit District hnuaia Rubber, Hmunphiah leh Coffee tlangtute hnenah NLUP tanpuina 2nd Phase 4th Instalment sem a ni. Tanpuina dawngtute hi Rubber Trade thlangtu chhungkaw 98 Kanhmun, Thinghlun, Luimawi, Zawlnuam Borai, Chuhvel, Zawlnuam Vengpui leh Kawrthah khua atangte in tanpuina sem a ni a, chhungkaw khat tan Rs 33,200.00 theuh a sem a ni.

Hmunphiah thlangtu Sihthiang leh Saikhawthlir atangin chhungkaw 3 tan Rs 36,120.00 theuha sem a ni bawk.

Coffee thlangtu Hriphaw khua atangin chhungkaw 23 ten NLUP tanpuina Rs.21,300.00 theuh in an dawng bawk a ni.

NLUP tanpuina sem chhuah zawng zawng hi a vaiin Rs 38,51,860.00 a ni a. ti hian Soil & Water Conservation Department Mamit District hnuaia 2nd Phase Beneficiaries te hnenah tanpuina sem zawh vek a ni tawh a ni.