No.2400/2021-2022

Aizawl, the 30th September 2021: Vawiin khan DC Conference Hall, Mamit-ah Dr. Lalrozama, IAS, District Bawrhsap hovin People's Plan Campaign (PPC) chungchang sawiho a thutkhawm a ni.

Meeting kaihruaitu Dr. Lalrozama chuan People's Plan Campaign (PPC) chungchang sawifiahna neiin PPC chu Gram Panchayat Development Plan (GPDP) siamna tura hmalakna a nih thu a sawi.

PPC hi 2nd October 2021 atanga 31st January, 2022 chhunga neih tur a ni a. Hemi hun chhunga hmalakna kalpui dan tur sawiho nghal niin VC te'n an area chhung theuhah GPDP buatsaihtu tur Gram Panchayat Planning Facilitation Team (GPPFT) din theuh tur tih an ni a. PPC 2021 chhung hian Gram Sabha Vawi 3 tal koh ngei ngei tur a ni. Heng Gram Sabha neih chhung hian Line Department aiawhte nen khawtlang mamawh leh hmasawnna hnathawh tur uluk takin an thlang dawn a ni.

Meeting-ah hian Gram Panchayat Planning Facilitation Team (GPPFT) din dan tur sawiho nghal niin Chairman atan khawtin/vengtin VCP leh Member Secretary/Convener atan VC Secretary chu ruat an ni a. GPPFT Member tur atan hian PPC Facilitator te, VC Member zawng zawng, VC Member lo ni tawh te, khaw chhunga thawk line Department hrang hrang Staff te bakah VC te'n tul leh pawimawh ni-a an hriat te an ruat belh thei ang. GPPFT Member hi kum khat atan zel a ni a, kum khat hnuah VC kaihhruainain din that zel tur a ni.

Vawiin thutkhawmah hian Gram Sabha neih hun tur ruahmanna siam nghal niin 2nd October, 2021-ah Initial Gram Sabha, October thla ral hmain Second Gram Sabha leh November, 2021 ral hmain Final Gram Sabha neih tura ruahmanna siam a ni.

Meeting-ah hian PPC Nodal Officer te leh Line Department aiawhte an tel a ni.