4598/2025-2026
Dated : Mamit the 25th of February, 2026 : Vawiin khan DC Conference Hall, Mamit-ah Labour, Employment, Skill Development & Entrepreneurship (LESDE) Department leh Mamit DC Office tangkawpin Prime Minister's National Apprenticeship Promotion Scheme (PM-NAPS) leh Apprenticeship Portal chungchang inzirtina zirhona buatsaih a ni a. Pi Carolyn L.B. Khiangte, Addl. DC chuan a hmanpui.
Pi Carolyn L.B Khiangte chuan Apprenticeship pawimawh zia leh zirlai leh hna zawng mekte bakah a ruaitu (employer)-te tan pawha thil tangkai tak a nih thu a sawi a. NAPS chuan thalaite chu an hna zawnna, hna thawhna leh ei zawnna kawng hrang hrangah a chher hriam dawn a ni tiin, NAPS chungchang inzirtirna workshop buatsaih a ni chu lawmawm a tih thu a sawi a. Hna neitu (employer) establishment leh hna zawng tur zirlai hrang hrang kal khawmte chungah lawm thu sawiin, scheme chhawr tangkaitu ni ngei turin a chah bawk.
He hunah hian Pu Lalmuanawma, Deputy Director, LESDE chuan PM-NAPS chungchang a sawifiah a. Pu Donny C.Lallawmkima, Technical i/e chuan Apprenticeship Portal-a inziah luh dan leh a hman dan te a sawi a. Online Registration tih nghal niin, zawhna leh chhanna bakah sawihona hun hman a ni bawk.
