2426/2022-2023
Mamit 25th October, 2022 : Vawiin khan Siamliana Hall, Mamit-ah Ministry of Food Processing Industries leh District Industries Department, Mamit bultumin Pradhan Mantri Formulisation of Micro Food Processing Enterprises Scheme(PMFME Scheme) awareness campaign neih a ni.

Pi Elizabeth Lalremthangi Hmar, Joint Director, C&I chuan PMFME chungchang sawifiahna neiin Pu Zosangliana, General Manager, MIFCO chuan Scenario of PMFME tih thupui hmangin Scheme chungchang zirtirna a pe a. Pi Lalengmawii, Lead Bank Manager, SBI Mamit chuan Financial Literacy chungchangah zirtirna a pe bawk.

He hunah hian Pu JD Traite, DDO, NABARD, Kolasib chuan PMFME Scheme chungchanga subsidy awm thei hrang hrangte kalkhawmte hrilhhriatna a nei bawk.

He hun hi Pu C. Dawngzalala, District Commerce & Industries Officer, DIC Mamit chuan kaihruaiin Self Help Group te, Ei siam lama tui mite leh thutharthehdarhtute an tel a ni.