3305/2023-2024

Mamit 10th January, 2024 : Vawiin chawhnu khan Mamit DC Conference Hall-ah kum 2024 Republic Day, Mamit a hman dan tur relin thutkhawmna DC Conference Hall-ah neih a ni a. He hunah hian Mamit District-a Department aiawhte bakah NGO aiawh te an tel a ni.

Mamit DC Pu V.L. Remliana chuan kalkhawmte lawmna thu sawiin, kum 2024 Republic Day lo awm tur atana Department hrang hrang aiawhte leh NGOs bakah School leh College aiawh a lokal te chuan Republic Day chu India ram tan ni pawimawh tak a nih angin an tha thei ang bera inpuahchahna a tawiawm turin a sawm a ni.

Meeting-ah hian Mamit-a Republic Day 2024 lawmna pui ber chu GSA Playground ah neih ni se tiin an rel a. Republic Day lawmna programme hi zing dar 6:30 ah sawrkar building-ah Hnam Puanzar ni se, a lawmna Programme lian zawk chu Dar 10:00AM ah tan ni se, Parade Contingent- Armed-1; Unarmed-3 leh School- 13 te hnen atangin National Flag chibai buk a chhang let ang tih pawm tlan a ni a. Republic Day a Parade Contingent tur te hian January ni 22-24 chhungin practice neih tur a ni a, January ni 25 ah Final Rehearsal neih a ni ang tih pawm tlan a ni.

Heng bakah hian Republic Day 2024 lawmna tur atana tul dang te sawi ho leh rel a ni bawk a ni.