Vawiin khan I&PR Conference Hall, Mamit-ah Pu Vanlalngaihsaka, Mamit District Bawrhsap kaihhruainain Right to Information Week, 2018 hman a ni.

Pu Paul Rokima, DIPRO, Mamit-in Keynote Address pein RTI nihphung leh awmzia, a nihna ang taka hman chuan ram leh khawtlang hmasawnna ruhrel tangkai tak a nih theih dan sawifiahin eirukna leh sual dona hmanraw tangkai tak a nih theih dan sawihawnna a nei.

He hunah hian Resource Person Pu Joseph Lalremruata, Asst. Professor, Govt. Mamit College chuan langtlang sawrkar siam tura, SPIO leh SAPIO te mawhphurhna leh a hmang tangkaitu mipui te tan RTI nihphung, a hman dan leh RTI chungchanga hriat tur pawimawh hrang hrang kalkawmte zirtirna a pe bawk.

He hunah hian zawhna leh chhanna hun hman a nih bakah sawihona atanga a lan danin Office thenkhat SPIO/SAPIO appoinment la nei lote chu langtlang Sawrkar siam tura hmalakna a chak zawk theih nan SPIO emaw SAPIO an nihna, anmahni Department hotute a ranglama in- appoint tir nise tih a ni.

He hunah hian Mamit khawpui chhunga Head Of Offices, SPIO, SAPIO, Dealing Assistant-te, zirlai pawl aiawh leh thuthar thehdarhtute an tel a ni.