2495/2025-2026

Dated: Mamit the 3rd of December,2025: Vawiin khan DC Conference Hall, Mamit-ah “Rualbanlo te ni- International Day for Persons with Disabilities, 2025” hman a ni a, Er H. Lalzirliana, MLA Mamit chu Khual lian niin hun a hmanpui.

Mamit MLA chuan Vohbikte hmakhua ngaihtuah chu kan mawhphurna a ni a,tun hma chuan Vohbikte dinhmun kan dahsang lo thin a mahse khawvel inthlak danglam zelah tunah chuan ram changkang apiangin kan dahsang tawh a, Paralympics te neiin talent tam tak haichhuah mek zel a ni a. Mizo te pawh hmalam kan pan a,Vohbikte dinhmun kan chawikang zel chu lawmawm a tih thu a sawi. Pu H. Lalzirliana chuan Sawrkar atanga hamthatna dawn theihte chu hriatchian a pawimawh thu sawiin concerned department chu Rualbanlote enkawltu an nu leh pa chhungte tan inhawng taka thawkho zel turin a chah.

Khual lian chuan kan pi leh pute zirtirna pawimawh “Piangsual hmusit suh, piansualin tlai luat a nei lo” tih chu vawng reng a, Khawtlang leh mimal anga kan mi bikte potential/thiamna haichhuah hi kan mawhphurna theuh a ni a, hlen ngei kan tum tur a ni a ti.

Vawiin hun hi Pu K Laltlawmlova, DC Mamit chuan kaihruaiin he ni hman tan dan leh Sawkarin theih tawpa Rualbanlote hamthatna atan hma a lak thu a sawi a, khawtlanga tangruala chawikang zel turin mi tinte a sawm.

Pu Vanlaltlana, Field Facilitator, District Social Welfare Office atangin report ngaihthlak a ni a, Rualbanlote tana hamthatna hrang hrang a tarlang.

1. Indira Gandhi National Disabled Pension Scheme, National Social Assistance Programme hnuaiah mi 79 in Mamit ah pension an dawng mek a.

2. State Disability Pension Scheme ah mi 4 in an dawng mek (₹500 per month)

3. Handicapped Student Stipend:Zirlai 64 in la mek

4. Mamit district a UDID -Unique Disability ID nei hi mi 388 niin hemi ID tel lo hian Sawrkar hamthatna duan a lak theih loh.

Vawiin hian khawtlang hruaitute bakah Rualbanlote Ni a nih angin rualbanlo sawm bikte nen hun hman a ni a, Pi Carolyn LB Khiangte, Addl DC chuan lawmthu sawiin hun a khar a ni.