4557/2025-2026

Dated : Mamit the 20th of February, 2026 : Vawiin khan Organising Committee of State Day Prayer, Mamit District huaihawtin Siamliana Hall, Mamit-ah hun hman a ni.

Vawiin State Day puala hun hman hi hun hnihah then a ni a. Chawhma hun hi Rev R. Laltanpuia, Chairman, Organising Committee chuan kaihruaiin thupui thlan sa 'Min au la ka chhang ang che' Jeremia 33:3 hmangin Rev Lalnunzira, PCI Mamit Bial chuan thu a sawi a, chawhnu hun hi Pastor C. Lalruatsanga, UPC, NEI chuan kaihruaiin Rev Lalronghaka, IKK, Mamit Bial chuan thupui thlan sa hmangin thu sawina a nei bawk.

Chawhma hun leh chawhnu hunah hian tawngtai thupui thlan sa hmanga tawngtai hona hun hman a ni a. Upa H. Vanlalhruaia, Secretary, Organising Committee chuan lawmthusawina neiin Rev F. Lalrammawia, Counsellor FG&CC, Mamit Centre chuan malsawm tawngtaiin hun tawp a khar a ni.

Vawiin State Day puala hun hmanna-ah hian Mamit khawpui chhunga kohhran hrang hrang atangin mi thahnem tak an tel a ni.