4418/2024-2025

Dated: Mamit the 25th of February, 2025 : Tukin zing dar 7 khan Mizoram Health Systems Strengthening Project leh Senior Chief Medical Officer Office hnuaiah “Damna Kawl Eng Community Interventio” buatsaihin Walkathon Hrisel panna kawnga ke a kal runpui Mamit Charkawn leh PWD kawn atangin neih a ni a, Mamit Field ah intawhkhawmna hun hman zui a ni.

Mamit Field veng a ke a kal runpui puala hun hmanah hian Pu K. Laltlawmlova District Bawrhsap chuan Mizoram District zingah taksa hriselna atana ke a kal runpui hun hmang tura beisei kan nih angin Mamit District chhunga khaw panga leh District Capital Mamit a, Mizoram chhunga hun hmang hmasa ber leh hmahruaitu kan ni chu lawmawm a tih thu a sawi a, schemes dang hrang hrangah pawh hmahruaitu ni zel tura tran kan lak a tul thu a sawi, natna inkaichhawn theih loh tih tur kan tih avang leh tih loh tur kan tih loh avanga kan inven theih natna hrang heng Zunthlum, BP sang etc laka fihlim tura kalkhawmte sawmin, District chhung mipuite chu hriselna kawnga ke pen zel turin a sawm bawk a ni.

Dr.Lalhlunpuii, Sr. CMO pawhin thusawiin Mizoram Health Systems Strengthening Project (MHSSP) te chuan Health Department hnuaiah hriselna kawnga hmalakna hrang hrang an kalpui tan thu a sawi a, damdawiin tihchangtlun, hmanraw mamawh leh mipui pan phaka hriselna kalpui a nih theih nan Laboratory tihchangtlunte chu an hnathawh langsar zing a mi a nih thu a sawi a, Mamit District Sub-Centre tinah te Zunthlum leh BP sangte engtik lai pawha check tir theih reng a nih bakah doctor thurawn angin damdawi a thlawna lak reng tur a awm thu a sawi bawk.

Ke a kal runpui intawhkhawm hun hi Benjamin Zikpuia chuan kaihruaiin Youth Icon 2024  Star Ramengmawia leh  Samson Vanchhawng te'n zaiin hun an hmang bawk.  

Tukina ke kal runpui hi Mamit Charkawn atanga kalte hi Pu K.Laltlawmlova District Bawrhsap chuan a vailiam a, PWD kawn Mamit a tangin mipui thahnem takte'n kawng hi an rawn zawh bawk a, kawng zawhtute hi an vaiin mi 1000 vel an ni.