1751/2024-2025

Dated: Mamit the 27th of August, 2024: Nimin tlai dar 4:00 khan District Bawrhsap, District Level Working Committee Chairman ni bawk Pu Jacob Lalawmpuia kaihhruaina hnuaiah kumin Teachers’ Day lawm dan tur relin Taitesena Buk, Mamit DC office-ah thutkhawmna neih a ni.

He hunah hian Pu Jacob Lalawmpuia chuan ruahmantute hnenah sawihona hun tha an nei thei chu lawmawm a tih thu a sawi a. Zirtirtute chu ram tana an hlut leh pawimawh zia chu sawiin naupang te kawng dik a hruai chho turin tan lakthar a tul thu a sawi.

Teachers Day lawmna chu chawhma lamah school tinin an school lamah hmangin chawhnu lamah a huhova hman ni se tiin a rel a,he lawmna hun hi dar 1.30pm ah Chhim Veng Hall a hman tur tiin an rel bawk. Education minister message chu chawhma leh chawhnu a chhiar chhuah ve ve tur a ni ang. DEO enpuina hnuaiah MZP kaihhruainain school naupang thlan bikte chuan Organising Committee dinin Teachers Day 2024 hman dan tur ruahman tur a rel a ni.

Mamit khawpui chhungah leh Sub Division- Reiek, Zawlnuam,West Phaileng leh Kawrthah-ah te Teachers’ Day pualin banner tar ni se,tin sub division lamah Organising committee on teachers day celebration din tur a rel a ni a, BRCC leh SDEO kaihhruai tur a rel a ni bawk. National Foundation for Teachers’ Welfare (NFTW) Fund atan zirtirtu ten Rs.200 theuh an thawh dawn a. He NFTW Fund atang hian zirtirtu natna khirh vei te leh harsatna tawk ten tanpuina a dil thei a, sawrkar leh private school zawng zawng a huam vek a ni.

Mamit a Teachers Day puala talk show neih thin chu kumin atan neih tawh loh nise, Bawrhsapin cable TV leh social media hmangin zirtirtute chibai bukna thu sawi se tiin committee chuan a rel.

Thutkhawmnaah hian DEO bakah zirtirtu pawl hrang hrang aiawh te, tlawmngai pawl te leh official dang te an tel a ni.