821/2025-2026

Dated: Mamit the 11th of June,2025: Vawiin chawhma khan LAD Conference Hall, Mamit-ah Green Mizoram Day 2025 chu hman niin Pu K Laltlawmlova, District Bawrhsap chu Khual lian niin hun a hmanpui. 

Bawrhsap chuan Green Mizoram Day 2025 hmang tur a lo kal te hnenah chibai bukna hlanin he ni ngai pawimawh a program zawh a thingphun theuh turin a sawm a. Pu K Laltlawmlova chuan sik leh sa inthlak danglam zelna khawvelah kan cheng mek zel a, kan ramngaw leh lui hnar humhalh hi a pawimawh em em a, a mawhphurtu ber chu keimahni theuh kan nih angin theihtawp a hma lak a tul thu a sawi a. Tin single use plastic pawh kan tih tlem a tul a, ramngaw mai bakah kan hriselna thlengin a nghawng thei a, hman tlem a tul hle a ni a ti a. Bawrhsap thangthar lo awm leh zel te tan leh tun hun atan thingpui uar mai bakah a enkawl zui pawh ngaihven turin Green Mizoram Day 2025 hmang tute chu a chah bawk a ni.

He hunah hian Pu C Lalrinmuana,DFO Mamit chuan nikum lama Green Mizoram Day hman dan report tawi pein Mamit a Green Mizoram Day hman tan kum 1999 atanga 2025 thleng a Mamit chhunga he ni denchhen a thingtiak phun tawh zawng zawng chu 1,19,225 a nih tawh thu a sawi. DFO hian Fire Prevention Award 2025 dawng tute a puan bakah lawmman semna hun neih nghal a ni

1. Pakhatna- Rawpuichhip (Rs 50,000 leh citation)

2. Pahnihna- Saithah (Rs 30,000 leh citation)

3. Pathumna- Chungtlang (Rs 20,000 leh citation) 

Certificate of appreciation dawngtute:

1. W.Serzawl

2. Mamit Luangpawl

3. Mamit Hmar Veng 

Vawiin hun hi Pu Vanlalchhuanga Chhangte, President Sub Hqrs YMA,Mamit chuan a kaihruai a, lawmthu sawina hun hi Pu Lalmuankima, Honorary Wildlife Warden, Mamit district in a hmang. 

Ceremonial planting hi Sports complex,Mangkhanwg dai, Mamit-ah neih a ni a, he hunah hian DC,SP,CJM,DIPRO,DFO,MJA President leh Sub Hqrs YMA ten State tree-Herhse an phun a. Mass Plantation hi Vaisam Park-ah neih niin Sawrkar department hrang hrang bakah NGO leh tlawmngai pawlten thing phun runpui an nei.