2141/2024-2025

Dated: Mamit the 20th of September, 2024 : Vawiin khan Seminar Hall, Govt. Mamit College-ah One Day Sensitisation programme on UNNATI - 2024 hman a ni a, Pu Jacob Lalawmpuia, District Bawrhsap chu Khual lian niin a hmanpui.

Pu Jacob Lalawmpuia chuan UNNATI - 2024 scheme chu Mamit District mipuite tana tangkai tak tur a ni a, he scheme-in a ken tel leh huamchinte Department lama thuneitute zawt hreh lo ila, a dil thei tur kan ni chiah lo a nih pawhin midangte hrilhhretu ni turin kalkhawmte a chah. Mamit District hi Sawrkar laipui duhsakna leh tanpuina kan dawng nasa em em a, Aspirational District atanga khaichhuah kan nih theihna tura ngaihsak leh duat bik kan nihna chhawr tangkai ila, a kaltlang Department-te pawhin a hre tur leh a chhawr tur mipui te'n an hriat hi kan mawhphurhna a ni a a ti , chutihrualin mipui lam pawhin kan rilru kan siam dik a tul a , tanpuina leh chhawmdawlna pawisa kan dawnte a nihna tur ang taka hman hi kan tih tur a ni a ti bawk.

Pu PC Lalvuana, Joint Director, UNNATI chuan scheme sawifiahna leh a huam chinte a tarlang a, he scheme hi a bul tanna tur niloin, hmala tawhte tan a ni a, Bank lam leh Department-te nena thawh dun ngai a nih thu sawiin, hrechiang duh tan engtiklai pawha zawhfiah theih reng an nih thu leh Mamit District atanga dil thei chin te'n ngaihven ngei turin kalkhawmte a sawm bawk.

Uttar Poorva Transformative Industrialization Scheme (UNNATI) - 2024 hi March 9, 2024 khan tlangzar a ni a, 08.03.2034 thlenga kalpui tur niin UNNATI - 2024 atana sum ruahman zat hi vaibelchhe 10, 037 a ni a. He scheme hnuaia ngaihven theihte chu Tourism & Hospitality Services (Including Health & Wellness Tourism), Promoting Film Tourism (Including film cities and studios), Ropeways, Entertainment Parks and Rides, Heritage Property Restoration Services, Healthcare Services, IT & ITeS, EV Charging stations Tech Start-ups te an ni.

He scheme hnuaia hamthatna awmte chipchiar zawka hre duh leh ngaihven duhte tan hian engtik laipawhin District Industries Office-ah zawhfiah theih reng a nih thu tarlan a ni bawk.

UNNATI- 2024 sawizauhna hun hi Pu C.Dawngzalala, Consultant DIC, Mamit chuan kaihruaiin chawhnu hunah hian Pu PC.Lalvuana, Joint Director, UNNATI - 2024 leh Pu Remruata, EO, Directorate of Commerce & Industries te'n Scheme chungchangah kalkhawmte zirtirna an pe a ni.