Tukin zing khan Forest Division, Mamit leh 4IR Bn Luangpawl buatsaihin, Multipurpose Hall, 4IR Bn Luangpawlah Wildlife Awarness Campaig hman a ni.
He hun hi Pu Jacob Hlychho Adjutant 4th IR Bn chuan kaihhruaiin Pu Lalnunsanga, Khawlhring DFO Mamit chuan Mizoram hi India ram state te zingah a parcent % zawnga chhutin hmun hring (Forest Cover) nei zau ber kan nih laiin Ram ngaw dur ( Dense Forest) erawh chu a nei chhe ber zinga mi kan ni a, ramngaw tha kan neih belh leh nungchate humhalh kawngah tan kan lak thar a tul thu leh hemi kawngah hian 4th IR bn te chu thawhpuiah a sawm a, Police Officer leh Sorkar Officer dangte chu Wildlife humhalh kawngah mawh kan phur zual bik a ni a ti bawk.
Mifing zawk te’n silai hmanrua leh equipment tha nena ramsa pel hi an ching tawh lova, tunlai khawvelah camera nena an thlak hi a finthlak zawk a ni a ti.
Pu Jacob Hlychho, Adjutant 4th IR pawhin tunlai khawvelah Wildlife humhalh chu a a tul takzet thu sawiin 4th IR Bn phei chuan nungcha te humhalh tur leh savate pawh sairawkherh leh silai hmanga veh lo turin BOP zawng zawngah hriattirna an pek vek tawh thu a sawi bawk.
