Khawvel puma TB dona ni (World TD Day) chu tukin zing khan Mamit District TB Control Society Chairman (DTCS) Pu Vanlalngaihsaka District Bawrhsap , Mamit ni bawk hovin District Hospital ah hman a ni a, he ni pual kawngzawh neih zui a ni bawk.

Dr Hmingthanmawii, CMO/Vice Chairman DTCS chuan he hun hi kaihruaiin, Dr P.C. Lalawmpuia M.O in TB chungchang zirtirna, hriattur pawimawh leh mawhphurhna kalkhawm te a hrilh a, He huna khuallian Pu Vanlalngaihsak chuan TB vei la hmuchhuah loh te zawnchhuah kawngah YMA member te kan tangkai dawn a, a enkawltute puitu leh TB vei ten a hun taka enkawlna an dawn theih nan kan veng kan khua theuhah a zawnchhuah hna kan thawk thei a ni a ti.

Pu A. Vansangliana, STS (DTC) in report a pek danin Mamit District-ah kum 2003 atanga kumin thlenga TB vei hmuhchhuah tawh zat chu mi 772 an ni a, chung zinga 334 chu midang kai chhawng thei chi vei an ni. Tun dinhmunah hian TB vei mi 43 Mamit District-ah enkawl mek an ni bawk.

Vawiin inkhawmah hian DOT provider, Rural Health Care Provider leh Community based Provider titha te hnenah khuallian in lawmman hlanna a nei a ni. District TB Forum Chairman Pu Lalhuma hnen atangin Forum hmalakna leh hnathawh dan ngaihthlak a ni bawk.

District Hospital a hun hman zawh hian TB Day pualin kawngzawh District Hospital atanga High School veng thleng neih zui a ni a, Vawiin a kalkhawmte hi TB Day pual T- Shirt pek vek an ni bawk.