No.7736/2020-2021

Mamit 9th March, 2021 : Vawiin khan Gov't. Mamit College-ah National Seminar on Quality Assurance System of Colleges in Mizoram chu hman a ni a. Dr. Lalrozama, IAS District Bawrhsap chuan khuallian niin a hmanpui.

Dr. Lalrozama chuan Quality Education chu pawimawh ber a nih rualin Quantity Education pawh thil pawimawh tak a nih thu a sawi a, chuvang chuan zirna lamah sang tak thlenga quality leh quantity chu a theih chen chena inbuktawka kalpui turin zirtirtute a chah a ni. Zirna chu mihring puitlinga min siamtu a nih angin tha taka zir turin zirlaite a chah a. All India Service emaw Central Service leh State Service chauh nih tum lovin mahni tuina zawn leh eizawnna kawng hrang hrang dapchhuak thiam turin zirlaite a fuih bawk. 

District Bawrhsap chuan National Seminar on Quality Assurance System of Colleges in Mizoram, Mamit College-a hman a ni thei chu lawmawm a tih thu sawiin tha taka hun hmang turin duhsakna a hlan bawk a ni.

Seminar hun hawnna hi Dr. Lalnithari Joute, Asst. Coordinator IQAC, Govt. Mamit College chuan a kaihruai a, Dr. Joseph Lalremruata, Asst. Coordinator, Govt. Mamit College chuan inhmelhriattirna hun hmangin Pu MS Dawngliana Hnamte, Principal, Govt. Mamit College pawhin thu a sawi bawk. Pu H. Ramdinpuia, Associate Professor, Govt. Mamit College chuan lawmthu sawina a nei bawk a ni.

Vawiin Seminar hi Session thuma then niin mithiam Professor J. Doungel, Director IQAC, Mizoram University, Dr. Lalhmingliana, Asst. Director IQAC, Mizoram University, Kh. Arunkumar Singh, Associate Professor, Govt Mamit College leh Professor Lalbiakdiki Hnamte, Director CDC, Mizoram University te'n thupui hrang hrang hmangin zirtirna an kalpui a ni.