Mamit Constituency MLA Cup 2013, Football Tournament GSA Playground Mamit-a Dt 18-28th June, 2013 chhunga neih chu Pu V. Lalremthanga, IAS District Bawrhsap chuan vawiin khan a hawng.
He Tournament hawnna hun Pu Lalrinsanga, President Mamit Zone Football kaihhruaiah Pu V. Lalremthanga, IAS District Bawrhsap chuan Mamit Constituency MLA Cup, 2013 Football Tournament buatsaih thei a ni chu lawmawm a tih thu sawiin bialchhunga thalai te inhmel hriatna atana pawimawh tak infiammite inelna thianghlim hmanga hetiang hun cheng tam tak senga buatsaih tu kan Bialtu MLA Pu John Rotluangliana a fakawm hle a ni a ti a, Mizo thalai te ruihlo chi hrang hrang in min nuai mek kara thalai infiammi tha tak tak te he tournament a inkhel turte chu infiamna rilru pu chunga theihtawp chhuah turin a sawm bawk a ni.
Mamit Constituency MLA Cup, 2013 Football Tournament ah hian Mamit Constituency huam chhung atangin infiammi Team 18 telin Champion Team te hian Rs 40000/ Cup leh Medal an dawng dawn a, 2-na in 20000/- Cup leh Medal dawngin 3rd leh 4th te hian Rs 10000 ve ve an dawn bawk a ni. He Tournament-a Team tel zawng zawng Semifinal thleng pha lo a tla te pawhin Rs 2000 /- an dawng vek dawn a. Best Player, Top Scorrer, Best Keeper, Fair Play Team te tan lawmmawn siam a ni dawn bawk a ni.
