No.1506/2021-2022 

Mamit 21st July, 2021 : Vawiin khan Dr. Lalrozama, IAS Mamit District Bawrhsap chuan Chuhvel khaw daia IR Camp leh Motor kawng laihte enfiahin a tlawh.

Mamit DC hmalakna hnuaia kalkawng thar laih hi IR Camp thar sakna hmun Bilpadawp Tlang laih thlen a ni tawh a. He lai hmunah hian JCB 2 leh Hitachi 1 hnathawka awm tawh sa bakah vawiin-a District Bawrhsap-in a tlawh rual hian Mizoram Earthmovers Owners Union te'n an rawn tirh JCB - 2 te'n an awm chilh nghal bawk a ni. JCB hi mamawh dan a zirin a dang pawh tirh belh tum a ni bawk. 

Vawiin-a Mamit District Bawrhsap-in Chuhvel khaw daia kawng laih thar a tlawhna-ah hian Pu Andy Lalfakzuala Varte MCS, SDO (C) Kawrthah, Pu Lalthanfala MPS, SDPO, Kawrthah, Pu Kiran Kumar MPS, Adjutant 4th IR, Chuhvel khawtlang hruaitute bakah ram neitute zinga mi Pu John Halliday te'n an tawiawm a ni.