No.1370/2021-2022

Mamit 13th July, 2021 : Vawiin khan Dr. Lalrozama, IAS, Mamit District Bawrhsap hovin SP Mamit, Commandant 4th IR, Addl. SP Mamit, SDO (C) Kawrthah bakah SDPO Kawrthah te'n Chuhvel khaw ram buaina chungchangah Chuhvel khua an tlawh a. Chuhvel khaw dai-a Assam lamin kalkawng rawn laih an tumna vel an thlithlai.

Tarlan tawh angin May Ni 30, 2021-a Pu John Halidaya'n a huan Chuhvel leh Saikhawthlir ramchhunga a thlam sak mek, Assam lam mi uniform ha engemawzatin kalchilha sak chhunzawm tawh lo tura an tih buaina kalzelah tunhnaiah Assam lam hian kalkawng rawn laih an tum ni-a a lan avangin Assam lamin kalkawng rawn laih an tumna hi JCB ruaiin laih khalh tura hmalak nghal a ni.

Vawiin hian Chuhvel VC te leh khawtlang tlawmngaite hnatlanga thawk chhuakin Pu John Halliday-a ram piah, Pu K. Lalengmawia ramah sipai duty post tur hmunhma-te thlirin hnatlangin hna an thawk tan a ni.