1735/2024-2025

Dated: Mamit the 26th of August, 2024: Vawiin khan Pu Jacob Lalawmpuia, Chairman Mamit District Disaster Management Authority chuan tunhnai ruahsur avanga chhiatna thleng Mamit leh Darlak kawng, Tuidai thlanga leimin leh Mamit leh Dapchhuah inkar kawngte a hmuna kalin a tlawh.

Pu Jacob Lalawmpuia chuan kumin fur ruahtui a tam avangin Mamit District chhung inkalpawhna hrang hrangah lirthei veivak leh mipui te'n harsatna kan tawk nasa hle a, chhiatna nasa zawk a thlen lohna tura invenna a theih ang anga kalpui tum a nih thu sawiin, Mamit leh Darlak inkar kawng a leimin avanga harsatna tawh mek chu PWD lam thuneitute'n theih ang anga hna an thawh mek thu leh leimin avanga inkalpawhna kawngpui min tel mai thei dinhmuna kan din avangin kawnghlui Mausen Road lam chu engemaw thut a awm pawha kal theih/zawh theih tura thenfai a nih dawn thu a sawi a. Mamit leh Dapchhuah inkar kawng fur ruahtui vanga kawng chhe thin chu DC chuan hmalak zel dan tur ngaihtuah a nih tur thu a sawi.

Darlak leh Tuidam inkar kawng pawh a theih ang anga thuamthat a ni chungin awmzia a nei hlei thei rihlo a, tunmekah kawngthar zawka leimin chu paih faia lirthei kaltheih tura ruahman mek a nih thu a sawi bawk.

Mamit leh Darlak inkar Tuidai thlang leimin hian kawngpui khi a siam nasa hle a,kawngpui khi hi a theih anga cement hmanga char niin, leiminin kawng a hnawh hi thenfai nghal a ni. Helai kawng leimin hian kawngpui bula Pu Rodingluaia thlam leh vawk In te a min pui tel a, silpaulin thahnem tak zar nghal a ni bawk.

Mamit District Disaster Management Authority Chairman-in kawng a enna-ah hian PWD National Highway lama thuneihtute, DC office atanga officials, DIPRO bakah thutharthehdarhtute an tel a ni.