560/2026-2027

Dated: Mamit, the 15th of May, 2026: Fur kan lo thleng leh dawn ta a, Mamit District mipuite ruahsur nasa avanga chhiatna hrang hrang thleng thei laka kan him nan heng ahnuaia inkaihhruaina te hi mipuite'n zawm theuh turin kan inngen a ni:

1. Mahni In leh lo te ruahsur nasa leh tuihawk tam dawl thei tura a tul anga thawmthat tur a ni a. Tuichhe paihna leh tuihawk luankawr te mumal taka siam bawk tur a ni..

2. Mahni In leh a velah leimin mai thei a awm a nih chuan Silpaulin/Tarpaulin a khuh that bawk tur a ni.

3. Ruahsur nasat hun tura sawi lawk ni ah te tui hmun leh ramhnuaiah te kal loh tur a ni.

4. Ruahsur nasa avanga leimin thei lai leh hmun min mai hlauhawm bik lai te hriatchian tur a ni.

5. Ruahtui tam hun laiin khaw kar kawngah leimin, lei tawlh leh lung lum te avanga nunna atana hlauhawm thleng thei a nih avangin heng hmunah te kan awm a nih chuan fimkhur tur a ni.

6. Thenawm khawvengte tan a hlauhawm tur khawpin in sakna hmunhma laih loh tur a ni.

7. Ruahsur nasat hun laiin Mamit District chhunga Village Disaster Management Committee (VDMC) tin leh tlawmngai pawlte inralring theuh turin kan inngen a. Ralkhel leh chiai lovin tanpui ngai an awm apianga a tul dan ang zela che chhuak thei turin inbuatsaih tur a ni e.

8. Thing leh mau, thli in a len thluk mai theih leh electric wire delh mai thei te chu kih emaw, a zar thlak tur a ni a. Tin, electric ban hmun min hlauhawm a awm te chu thuneitu te hnenah report vat tur a ni.

*Issued by, District Information & Public Relations Office:Mamit District, Mamit*