Director AH & Vety chuan Mamit District-ah hian 2nd Phase NLUP hnuaiah Ar vulh thlangtu chhungkua 356 an awm a. Ar note hi Supplier kaltlangin 50 theuh pek tawh an ni a, 100 theuh la dawng leh tur an ni. Ar note hi vawi hnih sem tawh a ni a.
1. Date 17.6.2015 (Wednesday) hian Ar note 9600 sem a ni a. Semna khuate chu Lengpui atanga Phuldungsei inkar khua 15 ah sem a ni a.
2. Date 18.6.2015 (Thursday) hian Arnote 9100 sem leh a ni a, semna khuate chu Reiek atanga Mamit tlangdung inkar khua 21 ah sem a ni.
Ar note sem hmasa zawk Date 17.6.2015 a mi hi khaw awmdanin a zir bawk a, boruak tha tak hnuaiah sem niin a dawngtute hnen atangin engmah complaint a awm lo.
Ar note sem vawi hnihna Date 18.6.2015 ah hian ruah nasa tak a sur reng avangin Ar note semte an thi nual tih a dawngtute hnen atangin hriat a ni a.
Ar note hi Department Official leh Supplier in an sem a, a thi leh a chau zual deuhte chu semna hmunah a dam leh hrisel thain thlakthleng zel a ni. Ar note te hi a dawngtute hnen a thlen tawh hnuah engemawzat a thi tih hriat a ni a. Hetianga beneficiaries thenkhat ten vanduaina an tawh takna chhan hi Department lam atanga hriat dan chuan hri leh thildang vang nilovin khaw awmdan in a a zir loh vang (unfavourable weather condition) ni maiin a lang a, hei hi chhui chiang turin hma lak mek a ni tiin a sawi.
