Mamit district a sorkar department hrang hrang ten thawhhona tha an neih theih nana din 'District Level Inter-Departmental Co-ordination Committee' chu vawiin khan an Chairman Mamit DC Pu Vanlalngaihsaka hovin DC Conference Hall-ah thukhawmin an hmalakna hrang hrang te leh thawhhona tha an neih zel theih dan tur an sawiho.

Vawiin thutkhawmnaah hian district hmasawnna tur thil leh department hmalakna hrang hrang an sawi a. Chung zingah chuan District Jail hawn a la nih loh avanga dan bawhchhiate hremna kawngah harsatna tam tak tawh a nih dan te sawilan a ni a.

Heng bakah hian power supply, tui sem, zirtirtu leh zirna, hriselna a bikin malaria chungchang te chu sawi langsar zual a ni.