1138/2026-2027

Dated: Mamit the 23rd of June,2026: Vawiin khan DC Conference Hall, Mamit-ah District Aids Prevention & Control Committee (DAPCC) chu Pi Carolyn LB Khiangte, Addl DC hoin an thukhawm.

 Vawiin hunah hian Red Ribbon School Quiz Competition 2026 neih dan tur rel a ni a, school level-ah hian 24th July,2026 hmaa neih tur niin district level-ah hian 29th July,2026-ah Govt Mamit College Auditorium a neih tur a ni ang. Committee chuan school level inelna chu block tinah online a neih nise tiin titha zual top 10 chu district level-ah inelna an nei ang.He inelnaa tel thei chu pawl 8, 9 leh 11 school naupangte an ni a, quiz in a tum ber chu HIV/AIDS, STI leh RTI leh lifestyle hrisel chungchanga awareness neih that a ni. 

Pi Carolyn LB Khiangte chuan Mamit district-ah HIV/ AIDS awareness kan mamawh thu sawiin NGO, Kohhran Leh khawtlang hruaitute nen theihtawpa he natna dona kawngah kan tan rual a ngai a ni a ti a. He Red Ribbon School Quiz Competition chu school naupangte tan a tangkai hle a, he topic-ah inchhiar zauna a nasat phah ngei a beisei thu a sawi bawk. Addl DC chuan he inelna hi hlawhtling taka hmang tur leh theihtawp chhuah turin organiser te chu a ngen bawk.