Kan hma inthlanpui kan hmachhawn tur atana Mamit District Assembly Constituency pathuma Political Party hrang hrang Official Candidate te'n hming pe lut chhunzawm.

Vawiina hming pek luh dan chu hetiang hi a ni.

1- Hachhek Constituency atangin  Lalzenghaki D/o Biaksangi (L) Chaltlang Lily Veng, Zoramthar Candidate,  Eddie Zosangliana S/o Laltlanmawia, Bawrai Zawlnuam, PRISM leh Pu Lalrinenga Sailo, S/o S.L Lalthangliana, Durtlang 'N' MNF Official Candidate te'n Pu Jacob Lalawmpuia Returning Officer, 1- Hachhek Assembly Constituency (ST) hnenah Nomination lehkha an thehlut a ni.

2- Dampa (ST) Assembly Constituency, Returning Officer, 

Pu Lalnunhlua, hnenah Pu Lalchuhvela, S/o Lallawma (L) Muanna veng, Aizawl Zoramthar, Er K. Lalrimawia, S/o K. Siamliana, Thuampui, Aizawl BJP Official candidate leh Pu Lalrinzuala Chawngthu, S/o CR Lalzarliana, Nursery veng Aizawl, PRISM-te chuan nomination lehkha an thehlut bawk.

Vawiin vek hian Pu Lalhmunzawnga S/o B. Lalpeka (L) E. Lungdar Zoramthar , Pu C. Zothansanga S/o C. Sangkhuma, Chanmari West ZPM leh Er H. Lalzirliana, S/o H. Thanzauva (L) Mamit Hmunsam Mizo National Front (MNF) official candidate te chuan Pu Vanlalngaihsaka,Returning Officer, 3- Mamit Assembly Constituency hnenah hming an thehlut bawk.

Mamit District chhung Constituency pathum atana MLA Candidate chuh tuma hming pe lut zawng zawng hi 1-Hachhek-ah panga (5), 2-Dampa Constituency- ah paruk leh 3-Mamit-ah mi panga, an vaiin mi 16 te'n hming an pe lut tawh a ni.

Kumin inthlanpuia chuh tumte hian Security Deposit Rs 5000/- thehlutin intiamkamna an mahni Bialtu Returning Officer theuhte hnenah hian an la a ni.

Tarlan tawh angin Election Commission of India-in thuchhuah a siam angin, Kumin inthlanpui atana  Nomination thehluh ni atan hian Gazette Notification Ni 2 Nov 2018-ah tihchhuah a ni a, Nomination lehkha hi Ni 9. Nov. 2018 thleng thehluh theih a ni.