No.295/2020-2021

Vawiin khan Dr. Lalrozama, IAS, District Bawrhsap/ Chairman, District Level Task Force On Covid - 19 Aizawl lam atanga Tripura khaw hrang hranga haw tum, Covid - 19 hripui leng mek vanga, ramri kan theih a nih tak loh avanga, Zomuantlang khua-a tangkhang mekte tlawhin an harsatna-te a hmunah a enpui.

Chairman, DLTF chuan Aizawl atanga Tripura khaw hrang hranga haw tum, hrileng avanga ramri kan phal a nih tak loh avanga, Zomuantlang, SSA School-a tangkhang mek mi 15 te chu, lockdown kalpui a nih chhung chu tuna an awmna Zomuantlang SSA School-a awm rih mai tura tiin, ei leh in pawh an mahnia inbawlchawp mai tur leh khawtlang hruaitute nen tang tlanga ngaihtuahna hmang turin a ti a. Zomuantlang khawtlang hruaitute'n an harsatna an sawi chu a theih ang anga ngaihtuah chhoh zel tum a nih thu a sawi.

Mamit District Bawrhsap hian Mizoram leh Tripura inkalpawhna khar mek Kawnpui Gate 5th IR te'n chhun zana an ven mek chu tlawh nghalin, a tul anga hman atan Silpouline 5 a pe a ni.

Dr Lalrozama, Chairman DLTF hian Mamit District mipuite himna turin ramri depa awm khua VLTF-te chu kan thenawm State, Tripura atanga luhkhan awm thei zawng zawngte tha taka venghim turin a ngen a. VLTF leh Sipai Duty-te chu tuna an hmalakna-ah lawmthu sawiin tang sauh sauh turin a fuih bawk. Hripui leng mek dona kawnga hmalakna atan CM Relief fund atangin Zomuantlang khaw tan hian Pawisa fai Rs 10,000/- bakah Buhfai Bag 1, Dal bag 1 a pe a. Khantlang khaw tan Rs 10,000/- a hlan bakah Thaidawr khaw tan Rs 10,000/- leh Mualthuam khaw tan Rs 25,000/- a hlan nghal bawk. Tanpuina te hi Village Level Task Force hruaitute kutah hlan an ni.

Chairman, DLTF hian Kawrtethawveng khua tlawh nghalin CM Relief Fund Rs 40,000/- VLTF te kutah a hlan nghal bawk.

 Mamit District Bawrhsap hi Addl.SP, SDPO leh SDC Mamit-te'n an tawiawm a ni.