Vawiin khan Pu K. Lalthawmmawia MCS District Bawrhsap Mamit chuan a Office Chamber-ah Mamit-a thuthar thehdarhtute kawmin Member of Parliament(Lok Sabha) kan thlanna tura in buatsaihna a hrilhfiah.

District Bawrhsap chuan inkawmna hun an neih theih avanga lawmthu sawiin MP kan thlanna turah mitinten Vote kan thlak theuh theihnana hmalak pui turin a sawm a, Vote thlak hi khua leh tuite’n kan tih ngei ngei tur a ni tih hria a vote thlak theuh turin District mipuite a sawm bawk.

Bawrhsap chuan Mamit District ah Constituency pathum 3 Hachhek, Dampa leh Mamit a awm thu sawiin 1- Hachhek-ah votes nei 21652, 2- Dampa votes nei 16483 awmin 3- Mamit-ah 20283, a vaiin 58418 voters an awm a ni.

Mamit District-ah hian Polling Station 110 a awm a, Votes tamna ber P/S chu Mamit IV niin 1103 votes a awm a, , Voters tlemna ber Zopui-ah 32 votes a awm thung. Hetih lai hian District chhungah Polling Station kea kal ngai panga a awm a, chungte chu Sotapa, Belkhai, Zopui, Chilui leh Tlangkhang te an ni, Polling Station pakhat Dilzawl chu Lawnga kal ngai a ni bawk .

Inthlan buaipui tu turte (Polling Officials) kalchhuak zat 330 ruahman niin Reserve 34 te nen an vaiin 364 ruat an ni.

Lirthei hman zat Maxi Cab 49, Gypsy 6 Bus 16 a vaiin 71 ruahman a ni bawk.

Mamit District-ah hian tun tum MP thlanna tur-ah a vawikhatna atan VVPAT 6, Mamit khawpui chhung Polling Station parukah hman a ni dawn bawk.

Tun tum MP thlan turah hian Service Voters te hnenah Pastal Ballot 154 Polling Personal 404 te hnenah EDC pek chhuah a nih thu DEO hian a sawi a ni.

Thuthar thehdarhtute pawhin thil an hriat duh leh hriat chian lohte zawtin in hrilhfiah a ni bawk.