No.147/2020-2021

Vawiin khan Dr. Lalrozama, IAS, District Bawrhsap/ Chairman District Level Task Force On Covid - 19 chuan Mamit District chhunga Village Level Task Force hrang hrangte an awm hmunah kalchilhin a thlamuan.

Chairman, District Level Task Force chuan hripui hlauhawm takin kan ram, kan hnam min run loh nana hah pawh sawi lova, thahnemngai taka duty Village Level Task Force-te thawhrimna leh hmalaknate a hmuna hmuhpui a, anmahni thlamuan chu tula a hriat vanga tlawhkual a nih thu a sawi a. VLTF- te chu tha thlah lova, he hripuiin kan ram a rawn luh loh nana thahnemngai taka duty chhunzawm turin a chah a, mahni vengchhung/ khawchhung theuhah ei leh bar leh mipui nitin mamawh hrang hrangah harsatna kan tawh lohna turin uluk leh fimkhur taka ngaihtuahna seng turin a chah bawk a ni.

Vawiin vek hian Zawlnuam RD Block hnuaia MzSRLM Self Help Group, Kawrthah, Rengdil leh Zamuang -te'n Kuhva kawr atanga an thilsiam chhuah thleng 970, fian 200 leh Bowl 500-te chu tuna hrileng mek avanga Sawrkar Centre hrang hranga khunghrante tan leh a tul anga hman atan Chairman, DLTF hnenah hian an hlan a ni.

District Bawrhsap chuan Village Organisation, Kawrthah, Rengdil leh Zamuang Self Help Group te'n an kutkawih ngeia an siam, thil tangkai tak tur leh tun kan dinhmun atana kan mamawh em em tur thil an hlan chu lawmawm a tih thu a sawi a, Covid - 19 hrileng mek, Mamit District-in kan do tlanna chu a lawmawm takzet zet a ni a ti. 

SHG-te'n an thil siam chhuahna khawl hi Rengdil Village Organisation-in 2019 khan ICAR Kolasib atanga dawngin Zamuang leh Kawrthah North Village Organisation-te'n MzSRLM atangin a thlawnin an dawng bawk a ni.

He hun hi Kawrthah Warehouse a neih hi, Pu Lalfakawma, Chhakchhuak MCS, Zawlnuam RD Block chuan a kaihruai a. Village Organisation, SHG Kawrthah, Zamuang leh Rengdil-te hian an mahni huam chhung theuhah Village Level Task Force-te tanpuina Rs 30,000/- an lo hlan tawh a ni.

Chairman, DLTF hian Kawrtethawveng PHC, COVID-19 vei awm thulha an awmna tura buatsaih Isolation Ward a tlawh nghal a, vawiina a khaw tlawh hrang hrangte hi tanpuina Rs 5000/- leh khawte zual deuhah Rs 4000/- in a hlan a. Sotapa khua, Sub Village pawh Task Force Duty-te hman atan Rs 1000/- a hlan bawk.

District Bawrhsap hi Officials thenkhat te'n an tawiawm a ni.