3786/2023-2024

Mamit 12th February, 2024 : Vawiin khan DC Conference Hall, Mamit-ah Pu V.L Remliana, District Bawrhsap kaihruaina-in Chapchar Kut - 2024 hman dan tur rel a ni.

Vawiin thutkhawmah hian Chapchar Kut Mamit khawpui chhunga hman dan tur rel ho a ni a, kumin chapchar kut March Ni 1 chu Mangkhawgdai Field (Tennis Court) ah chawhma dar 11:00 ah hman nise tih a ni a, Kut Pa a tan District MUP President chu ruat niin, Kut thlengtu-ah District Bawrhsap ruat a ni bawk.

Chapchar kut 2024 ah hian Mizo hnam lam chi hrang hrang, hnam zia rang pho lang thei chanvo nei turin YMA Branch hrang hrang, MHIP leh MUP bakah MCO leh a dangte te inruat niin Chapchar Kut 2024 Kut nula thlan leh nise tih a ni bawk.

Chapchar Kut 2024 pual hian Sub-Committee din niin, an ni hian Kut hlawhtling taka hman a nih theih nana hmalak tul hrang hrangah hma an la ang a. Sawrkar Department hrang hrangte mawhphurhna inpek a ni bawk.

Meeting-ah hian Chapchar Kut Celebration committee members te an tel a ni.