No.4088/2021-2022

Aizawl 23rd February, 2022 : Vawiin khan DC Conference Hall, Mamit-ah Pu Lalnunhlua, District Bawrhsap hovin Mamit District chhunga Covid-19 hrileng mek dinhmun thlira thutkhawm a ni.

District Bawrhsap chuan Covid-19 lakah mitinte kan fimkhur lehzual a tul thu sawiin hri darh zel tur ven nana Sawrkarin dan a siamte tha taka zawm a pawimawh thu a sawi.

Meeting-ah hian Mamit District Covid Status tarlan niin Covid-19 test tawh zawng zawng zat hi 82975 an ni a. Heng zinga mi 11332 te chu positive niin tuna hrikai lai mek hi mi 773 an ni. Mi 18-in Covid-19 hi an thihpui tawh bawk.

Meeting-ah hian Covid-19 vaccine pek chhuah tawh dan report ngaihthlak niin 1st Dose 52246, 2nd Dose 38384 bakah 3rd Dose (Precaution dose) mi 1718 te hnenah pek chhuah tawh a ni a. Hei bakah hian Mamit District-a Covid -19 veite enkawlna hmun, DCHC pahnih leh CCC pasariha khum awm zat leh tun dinhmuna damlo awm zatte thlirho nghal a ni bawk.

Mamit District-ah Covid-19 hri a la punlun zel avangin Mamit khawpui chhunga veng zawng zawng bakah Jail Veng, Mamit, Bawngthah, Chungtlang, Lallen, Kawrtethawveng bakah Vengpui, Zawlnuam te chu Red Zone-a puan chhunzawm an ni a. Hei bakah hian Kawrthah North leh South te chu Restricted Area a puan mek an ni bawk. Test positivity rate 10% aia tam kan la nih hlawm avangin District mipuite, abik takin Red Zone leh Restricted Area-a awm mekte chu Sorkar thupek zawm hram hram turin Committee chuan a ngen a ni.

Meeting-ah hian Health Department Officials te, Mamit khawpui chhunga VLTF aiawhte bakah Covid-19 dona kawnga thawktu hrang hrangte an tel a ni.