No.2235/2021-2022

Aizawl 16th September, 2021 : Vawiin khan Mamit District chhunga Sawrkar enkawl School hrang hranga Mid Day Meal atana sem chhuah tur, buhfai tha bik leh hrisel bik, Fortified Rice chu Dr. Lalrozama, IAS, District Bawrhsap chuan FCS&CA Godown, Mamit atangin a vailiam.

District Bawrhsap chuan Mamit District chhunga zirlai naupangte tana buhfai tha bik leh hrisel bik, naupang thanglaite tana an thluak tichaktu tur semchhuah a ni chu lawmawm a tih thu a sawi a. Buhfai tha bik Fortified Rice chu Aspirational District kan nih angin Mizoramah Mamit District-ah chauh semchhuah a ni chu kan vannei hle a, buhfai semchhuah hna kalpuitu Education Department- te pawh tha taka scheme kalpui tura chahin, Aspirational District hnuaiah hriselna ngaihpawimawh a nih angin hmasawnna hmelthar kan hmuh ngei a beisei thu a sawi bawk.

Mid Day Meal atan hian kum 2021-2022 chhungin Mamit District chhunga Sawrkar enkawl zirna In hrang hranga semchhuah tur Fortified Rice hi 3205.51 metric ton a ni a. Fortified Rice hian thisen tlakchhamna (Aneamia) lakah min veng thei a. Vitamin (B12) taksa mamawh a pai tam hle a, Iron Folic Acid leh Vitamin B-12 pawlh belh atanga buhfai ei theih tha zawk leh chak zawk niin buhfai pangngai nen a tui dan a danglam chuang lo a ni.

Vawiin Fortified Rice semchhuahna hun hi Pu Laldingliana, District Education Officer, Mamit District chuan kaihruaiin fortified rice semchhuah chungchanga hriat tur hrang hrangte tarlangin he scheme hlawhtlinna tura District Bawrhsap hmalakna chu lawmawm a tih thu a sawi bawk.

Fortified Rice launching programme-ah hian Sawrkar SOP zawm chungin sawm bikte an tel a ni.