311/2024-2025 

Mamit 19th April, 2024 :  Vawiin khan MP General Election - 2024 chu Mamit District chhungah pawh inthlanna boruak muanawm tak hnuaiah neih niin, Vote tla hi 63.22% a ni. 

Tarlan tawh angin Mamit District chhungah hian Polling Station 121 awmin Assembly Section pathum 1-Hachhek-ah mipa 6633, hmeichhia 6640 a vaiin vote 13273 a tla a, 2- Dampa-ah mipa 6655, hmeichhia 6115 a vai a vote tla hi 12770 a ni a. 3-Mamit-ah mipa 7639 niin hmeichhia 7497 a vaiin voters 15136 te'n vote an thlak a ni. Vote tla zawng zawng belhkhawm hi  voters 41179 niin 63.22% a ni. Tlailam dar 5 thleng khan vote hi thlak niin, Polling Parties-te hian an duty-na hmun atangin  District Election Office, Strong Room an pan khawm mek a ni. 

Mamit District chhungah hian Assembly section, pathum 1-Hachhek (ST) A/S, 2- Dampa (ST) A/S leh 3- Mamit (ST) A/S te an awm a. Mamit District Polling station 121-ah hian ke kal ngai khaw 6 leh lawnglenga kal ngai khaw 2 a awm a ni.