2342/2023-2024

Mamit 17th October, 2023 : Vawiin khan I&PR Conference Hall, Mamit-ah Mizoram State Co-operative Union ( MSCU) huaihawtin Mamit District Cooperative Society-te tan training buatsaih a ni a. Pu K. Lalchamreia, President MSCU Ltd. chuan training hawngin hawnna thu a sawi.

Training hawnna hunah hian Pu Lalnunsanga, Chairman MCAB chuan Mizoram Cooperative Apex Bank-in Mobile ATM Banking Mamit Branch-in an neih thar hawnna neiin, Mobile ATM banking chahbi hi Apex Bank Manager, Mamit Branch hnenah a hlan nghal a ni. Pu Lalthangfala, District Cooperative Officer chuan lawmthu sawina a nei bawk.

Vawiin training hi session hniha then a ni a, Pi TC.Lalchawimawii, CDO, MSCU leh Pu R. Lalthlengliana, FEO, MSCU-te chuan Primary Society nihphung leh a hnathawh dan tur tih leh Primary Society-te inrelbawl dan tur tih hmangin zirtirna an pe a ni.

Training-ah Mamit khawpui bakah a chhehvel khuaa Cooperative Society members te an tel a ni.