1065/2025-2026

Dated : Mamit the 4th of July, 2025 : Vawiin chawhnu khan DC Office Chamber-ah Pu K.Laltlawmlova, Chairman Mamit District Disaster Management Authority chuan Quick Response Team T-Shirt leh Kawrchung tlangzarhin team members-te hnenah a hlan nghal.

Chairman, DDMA chuan Mamit District tana Quick Responce  Team-te lawmna thusawiin, Aizawl khawpui leh District dangah pawh tangkai taka an hman mek thin, chhiatna a thlen thulha rang taka che chhuak thin leh harsatna a awm a, midangte thlamuan tura awm thin Mamit District Quick Responce Team tha tak kan nei ta chu lawmawm a tih thu a sawi a, midangte zirtir chhawng thei tura mi hmantlak ni tur leh ruihhlo leh a kaihhnawih laka fihlim turte leh member dang an awm belh pawha zirtir thei tura inbuatsaih turin a chah a ni.

Pu Lalnunfela Chawngthu, SDO (S) pawhin QRT members-te fuihin Disaster thil mai nilo, thildangah pawh tangkai taka hman theih tur leh Mamit District tana bul tantute an nih angin midangte kawng kawhhmuhtu ni zel turin a chah bawk a ni.

Mamit District Quick Response Team-te hi members panga niin kumin 2025 atana Mamit District Disaster Mangement Authority-in a ruat te an ni.

Vawiin T-Shirt leh Kawrchung tlangzarhna-ah hian Pi Carolyn LB Khiangte, CEO, DDMA, Addl DC bakah Pu Lalrinchhana, Disaster Organiser bakah Pu Lalawmpuia, SDC te an tel a ni.