618/2025-2026

Dated: Mamit the 15th of May, 2025: Vawiin chawhnu dar 2.30 khan Mamit District Disaster Management Authority(MDDMA) chu National Level Civil Defence Blackout Mockdrill ni 13th May,2025 a Mamit a neih tak chungchangah review meeting DC Conference Hall-ah neih a ni a, he hun hi Pu Lalnunfela Chawngthu, SDO(Sadar) in a kaihruai.

Chairman chuan Blackout hlawhtling taka neih a ni chu lawmawm a tih thu a sawi a, Mamit mipuiten thuzawm thain sawrkar thuchhuah an ngaipawimawh a, mahni mawhphurhna a lain chhung tinten siren rik chhung zawng light leh a eng thei chi hrim hrim an ti thim chu a lawmawm tiin blackout mockdrill hlawhtlinna bul ber chú mipuite leh hotute tanrualna leh thawhho thatna a nih thu a sawi.

Vawiin thutkhawmnaah hian member te kim taka kalin blackout mockdrill hlawhtling taka neih a ni chu awareness neih that bakah thawhhona tha neih zar a nih thu an sawi.