3968/2023-2024

Mamit 26th February, 2024 : Vawiin chawhnu dar 3 khan Mamit District Disaster Management Authority chu an chairman Pu V.L Remliana, District Bawrhsap hovin DC Conference Hall, Mamit-ah thutkhawm a ni.

Vawiin thutkhawmah hian nikum kumtawp lama West Phulpui bul quarry chima ruang pakhat tun thleng pawh a, la hmuh zawhloh chungchang sawiho a ni a. Ruang pakhat la hmuh loh hi official-a zawnna chu tih tawp ni se, SLT company lam hian an remchan dan ang angin ruang hi la zawn chhunzawm zel nise tih a ni a. Kumin fur lo thleng tur atana inruahman lawkna'n District chhung mamawhna ang anga hman theih turin silpaulin lei ni se tihte rel a ni bawk.

Meeting hian chhiatna thlenna hmun apiang a tel tur Quick Response Team chu District Level leh Village level-ah din ni se tih a ni a. Mamit District chhung khawtinah tlawmngai pawl, Quick response team din vek tur a hmalak rel bawk a ni.

Vawiin Meeting-ah hian DDMA member bakah DC office atang Official pawimawh dang te an tel a ni.