2317/2023-2024

Vawiin khan Expenditure Observer Dr. Sunil N.Ranote hovin Mamit DC Conference Hall-ah MLA Inthlanpui 2023 lo awm tur atana Poll Preparedness chungchangah meeting neih a ni a. Mamit District Election Officer Pu V.L Remliana'n a lo dawngsawng a ni.

Meeting-ah hian Returning Officers, Superintendent of Police Mamit, Assistant Expenditure Officers leh Nodal Officers, Election Expenditure Monitoring, Media Certification and Monitoring Committee aiawhte an tel a ni.

Election Observer Dr. Sunil N.Ranote chuan inthlanna fel fai taka neih a nih theih nan thawhhona a pawimawh thu sawiin, Mamit District chhunga Constituency pathum a inthlanna hlawhtling taka kalpui a nih theih nana ECI aiawha lokal a nih thu leh daily report documentation uluk leh tha taka ti turin meeting a kalte a chah a. ECI guidelines chhiar chiang a, Team hrang hrang te'n an mawhphurhna leh thawhhona tha an neih theih nan digital media platform hmang tangkai turin a chah bawk a ni.

Meeting-ah hian accounting chungchanga hriat belh ngai, mamawh leh harsatna awm theite zawhna leh sawihona neih nghal a ni. Election Officer Pu Lalsanglura chuan powerpoint presentation hmangin Mamit Constituency chhunga MLA Election inbuatsaihna hrang hrang a tarlang bawk a ni.