No.7214/2020-2021

Vawiin khan Mamit District Hospital-ah Covid - 19 Vaccine pekchhuah tan a ni a. Mamit District Health Care Workers mi 124 te hnenah Vaccine hi pekchhuah tura ruahman a ni.

Covid - 19 Vaccine hi Mamit District Hospital atang hian District Hospital-a thawktute bakah Mamit Main Centre leh a chhehvel Sub-Centre-a thawktute hnenah pekchhuah an ni.

Vawiin Vaccine pekchhuah dawng hmasa bertu Dr. Vanlalfela, CMO chuan Covid -19 Vaccine lak kawngah engmah harsatna a neih loh thu leh midang hridanna la turte pawhin engmah harsatna an neih loh a beisei thu a sawi a. Vaccine lak kawnga harsatna tawk an awm palh thulhah pawh session site-ah hian Observation room siam niin engemaw harsatna bik Adverse Event Following Immunization (AEFI) a lo awm palh thulhah pawh a hmunah hian enkawl nghal thei turin damdawi nen mithiamte'n an thutchilh nghal thu a sawi bawk. 

Dr. Lalmuanawma, Jongte, SMO/ District Immunization Officer chuan Mamit District chhunga Health Care Worker mi 782 te hnena Vaccine pek tura ruahman atangin mi 450 dose dawn hmasak a ni a, Vawiin atan hian mi 124 te hnenah Vaccine hi pekchhuah hman tum niin Mamit District chhunga Vaccination pekchhuahna tura Immunization Session site thlan bikah te a remchan dan anga pekchhuah a nih dawn thu a sawi. 

Mamit District Hospital-a Covid - 19 Vaccine pekchhuahna hmunah hian Pu R. Lalmuankima, State Consultant, UNICEF chuan a telpui a. Vaccine hi Sawrkar laipui duhdan angin hridanna latute hian Electoral Photo Identity kengin anmahni an in verify mai bakah Vaccination pek dan hrim hrimah Sawrkar duhdan anga kalpui a ni.