2437/2026-2027

Dated: Mamit the 30th of September, 2026:  Vawiin khan DC Conference Hall, Mamit-ah District Level Committee on Narco Coordination Centre chu Pu Suvigya S Chandra, Chairman leh District Bawrhsap kaihhruainain an thukhawm.

District Bawrhsap chuan ruihhlo dona kawngah nasa lehzuala hma kan lak a tul thu sawiin khawtlang hruaitute leh tlawmngai pawlte nena kan thawhho a tula,hei bakah hian Excise & Narcotics department te nen pawh thawhhona tha tak hnuaia hmalak a tul thu a sawi. 

Vawiin thutkhawmah hian kum naupang zawkte ruihhlo laka an fihlim theih nan zirna school leh college ah a bika uar zawka awareness campaign neih dan tur te, ruihhlo tawlhruk chungchang intelligence/information inhriat tawnna, ruihhlo leh narcotics dang dona kawnga hmalakna, State paltlanga inhnamhnawih case vil zui dan te leh Mamit District chhunga ruihhlo ngai enkawlna (Addiction & rehabilitation centre) chungchangte sawiho niin rawtna leh ruahmanna hrang hrangte siam a ni a. Meeting hmasaa lo rel tawh ruihhlo tawlhrukna a ziaawm theih nana check post hmun hniha siambelh chungchang leh a awmsa thlak chungchang State Level a thlen mek a nih thu ngaihthlak a ni.

Meeting-ah hian Pu Manny Bhushan Singh, SP Mamit bakah committee  member te an tel a ni.