Tunlai hian thenawm Tripura a Kheda khua leh a chhehvelah ui a hri (rabies) a leng tih hriat a ni a. Tripura atangin ui lakluh thin a nih avangin Mamit District-ah pawh ui a hri/uiseh natna hi leng reng thei a niin hri a len chuan mihring nunna atana hlauhawm niin hriat a ni.

Chuvangin, Pi Lalbiaksangi, MCS, District Magistrate, Mamit District chuan Sec.144 Cr. PC,1973 in thuneihna a pek angin ui a hri (rabies) leng thei lak ata Mamit District mipuite kan lo him theih nan Dt 26.9.2017 khan a hnuai ami ang hian thupek a chhuah a ni.

"Mizoram pawn, a bik takin Tripura atangin, ui reng reng Mamit District huam chhungah lakluh khap tlat a ni."

Thupek hian thu leh awm hma chu puan a nih atanga thlahnih (2) chhung a huam ang.

He thupek zawmlote chu Sec. 188 of IPC hmanga hrem an ni ang.