1324/2026-2027 

Dated: Mamit the 7th of July, 2026 : Tunlai hian ui khuahkhirh lohva khawlaia chhuak hmuh tur an tam hle mai a, hei hian khawtlang faina, himna leh hriselna a nghawng theiin khawtlang hmasawnna leh changkanna daltu a ni thei a ni.

Chuvangin, Pu SUVIGYA S CHANDRA, IAS, District Magistrate, Mamit District chuan Section 163(1), Bharatiya Nagarik Suraksha Sanhita (BNSS), 2023 in thuneihna a pek angin a hnuaia mi ang hian khapna thupek a chhuah:-

1) Ui vulhtute'n an ui vulhte tha takin an khuahkhirh tur a ni.

2) Mi tumahin midangte tana harsatna siam zawng leh hnawksakin ui an vulh tur a lo.

3) Ui vulhtute'n khawlaiah an ui te an chhuah zalen tur a ni lova, khawlaia an chhuahpui dawnin hrui/chain rinawm takin an hlingin an kai ngei ngei tur a ni.

4) Ui vulhtute'n an ui vulhte zun leh ek khawlaiah an hnutchhiah tur a ni lo.

5) Ui khawlaia chhuak te chu Village Council/Court ten an man thei ang. The Mizoram Animal (Control & Taxation) Rules, 2016 angin nikhat zelah an chaw man Rs. 100/- leh Fine Rs. 100/ ui neitute an chawitir thei ang. An ui mante hi ui neitute'n an khul chhuak lo a nih chuan ni 7 a ral hnuah auction in an tiral thei ang.

He thupek bawhchhetute chu Section 223, Bharatiya Nyaya Sanhita (BNS), 2023 hmangin hrem theih an ni ang. He khapna thupek hian, tihdanglam emaw hnuhlet emaw a nih loh chuan, chhuah anih atanga thla 2 (hnih) chhung a huam ang.

Ui khuahkhirhna Order.pdf