2801/2023-2024
Pu V.L Remliana Chairman, District Disaster Manegement Authority-in thuchhuah a siam angin, India Meteorological Department, Ministry of Earth Sciences, Government of India bulletin dt.16.11.2023 in a sawilawk danin Bay of Bengal tuipui atanga thlivir insiam chuan Mizoram chhungah ni 16.11.2023-18.11.2023 chhung hian ruah tam tham tak a surtir dawn a ngaih a ni a. Ruahsur nasa avanga chhiatna thleng thei laka fimkhur turin Mamit District chhunga Village Council tinte Ieh tlawmngai pawlte kan inngen a. Kan awmna hmun theuhah a tul anga invenna kalpui turin kan inhriattir a, ralkhel leh chiai lovin tanpui ngai an awm apianga a tul dan ang zela che chhuak thei turin inbuatsaih tur a ni.
Ruahsur nasa avanga chhiatna thleng palh a awm a nih chuan Mamit District Emergency Operation Centre, Phone No.6909891973/8787764678 ah te biakpawh theih reng an ni. Mahni bialtu Zonal Officer SDO (C) emaw BDO-te hnenah a rang thei ang bera inhriattir tur a ni bawk.
